სიახლეები
ბორჯომის მუნიციპალიტეტში ხე-ტყის უკანონო მოპოვებისა და ტრანსპორტირების 4 ფაქტი გამოავლინეს.
გარემოსდაცვითი ზედამხედველობის დეპარტამენტის სამცხე-ჯავახეთის რეგიონული სამმართველოს თანამშრომლებმა, ბორჯომის მუნიციპალიტეტში, ხე-ტყის უკანონო მოპოვებისა და ტრანსპორტირების 4 ფაქტი გამოავლინეს.
სამართალდარღვევებიდან 3 ხე-ტყის უკანონო მოპოვება-ტრანსპორტირების ფაქტია, 1 კი - უკანონო ტრანსპორტირების.
სოფელ ტაძრისის სატყეო უბანში, მოქალაქემ უკანონოდ მოიპოვა 2 ერთეული არყის სახეობის ხე-მცენარე და მათგან დამზადებული საშეშე-მერქნის უკანონო ტრანსპორტირება მოახდინა.
სოფელ ტბის მიმდებარედ, მოქალაქე, უკანონოდ მოპოვებული ხე-მცენარეებისგან დამზადებული 2 კუბური მეტრი წიფლის, 1,5 კუბური მეტრი ნეკერჩხილსა და 1,5 კუბური მეტრი მურყნის (თხმელა) სახეობის საშეშე მერქნის უკანონო ტრანსპორტირებას ახდენდა.
დაბა ბაკურიანში, მოქალაქემ უკანონოდ მოპოვებული ხე-მცენარეებისგან დამზადებული 5,92 კუბური მეტრი საშეშე მერქნის უკანონო ტრანსპორტირება მოახდინა.
ხე-ტყის უკანონო ტრანსპორტირების ფაქტი გამოვლენილია სოფელ საკირეს მიმდებარედ, სადაც მოქალაქე 4 კუბური მეტრი ფიჭვის სახეობისა და 3 კუბური მეტრი ვერხვის სახეობის საშეშე მერქნის უკანონო ტრანსპორტირებას ახდენდა.
ავტომანქანები დაილუქა. სამართალდმრღვევების მიმართ შედგა ადმინისტრაციული სამართალდარღვევის შესახებ ოქმები.
