სიახლეები
ტყიბულში სახერხი საამქროს ტექნიკური რეგლამენტის დარღვევის ფაქტი გამოვლინდა
გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა ტყიბულში სახერხი საამქროს ტექნიკური რეგლამენტის დარღვევის ფაქტი გამოავლინეს.
საამქროს ტერიტორიაზე დასაწყობებული იყო დაახლოებით 7 კუბური მეტრი წიფლის სახეობის პირველადი გადამუშავების პროდუქტი (ფიცარი) და 2 კუბური მეტრი წიწვოვანი სახეობის დახერხილი ხე-მასალა. ფიცრის ნაწილი სახერხის ტერიტორიაზე, თივაში მოწყობილ სამალავში იყო განთავსებული, 1,5 კუბური მეტრი წაბლის სახეობის ფიცარი და 2 ერთეული წიფლის სახეობის დაუფირნიშებელი მორი კი - სახერხი საამქროს ეზოში არსებულ ფერმაში. სახერხის მეპატრონემ ხე-ტყის კანონიერი წარმოშობის დამადასტურებელი დოკუმენტაციის წარმოდგენა ვერ შეძლო.
გარემოსდაცვითი ზედამხედველობის დეპარტამენტის თანამშრომლებმა ფიცარი და მორები დალუქეს და სამართალდამრღვევის მიმართ ადმინისტრაციული სამართალდარღვევის შესახებ ოქმი შეადგინეს.
სახერხი საამქროს ტერიტორიაზე განთავსებული ხე-ტყის მოპოვების შედეგად გარემოსთვის მიყენებული ზიანის ოდენობამ 3 000 ლარი შეადგინა. შესაბამისად, გამოიკვეთა სისხლის სამართლის დანაშაულის ნიშნებიც და მასალები, შემდგომი რეაგირების მიზნით, შესაბამის უწყებაში გადაიგზავნა.
