საიტი მუშაობს სატესტო რეჟიმში

სიახლეები

ბეჭდვა

აჭარისა და გურიის რეგიონული სამმართველოს თანამშრომლებმა წიაღის უკანონო მოპოვების 4 ფაქტი გამოავლინეს



გარემოსდაცვითი ზედამხედველობის დეპარტამენტის აჭარისა და გურიის რეგიონული სამმართველოს თანამშრომლებმა წიაღის უკანონო მოპოვების 4 ფაქტი გამოავლინეს.

ქვიშა-ხრეშის უკანონო მოპოვების 3 ფაქტი დაფიქსირდა ხელვაჩაურის მუნიციპალიტეტის სოფელ ჭარნალში. მოქალაქეებმა, სპეციალური ტექნიკის გამოყენებით, უკანონოდ მოიპოვეს, ჯამში 47 კუბური მეტრი მოცულობის ინერტული მასალა.

1 სამართალდარღვევა გამოვლინდა გურიაში. ჩოხატაურის მუნიციპალიტეტის სოფელ ბუკნარში, მდინარე სუფსის მიმდებარე ტერირორიაზე, მოქალაქე უკანონოდ ახორციელებდა ქვიშა-ხრეშის მოპოვებას.

ოთხივე სამართალდამრღვევის მიმართ შედგა ოქმები ადმინისტრაციულ სამართალდარღვევათა კოდექსის შესაბამისი მუხლებით.

ყველა სიახლე
შემოგვიერთდით: