სიახლეები
დასავლეთის რეგიონული სამმართველოს თანამშრომლებმა ხე-ტყის უკანონო მოპოვების 21 ფაქტი გამოავლინეს
გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა ხე-ტყის უკანონო მოპოვების 21 ფაქტი გამოავლინეს.
სამართალდარღვევები გამოვლენილია ონის, ხონის, ჭიათურის, საჩხერის, ვანის, ქუთაისის, წყალტუბოსა და ტყიბულის მუნიციპალიტეტებში.
მოქალაქეებმა უკანონოდ მოიპოვეს სხვადასხვა სახეობის, ჯამში 58 ერთეული ხე-მცენარე.
სამართალდამრღვევების მიმართ შედგა შესაბამისი დოკუმენტაცია.
ხონის მუნიციპალიტეტის სოფელ მათხოჯში კი, მოქალაქის საკარმიდამო ეზოში გამოვლენილია წიწვოვანი სახეობის 57 ერთეული მრგვალი ხე-ტყე (მორი). მოქალაქემ ვერ წარმოადგინა შესაბამისი დოკუმენტაცია. ვინაიდან ფაქტი შეიცავს სისხლის სამართლის დანაშაულის ნიშნებს, მასალები, შემდგომი რეაგირების მიზნით, შესაბამის უწყებაში გადაიგზავნა.
