სიახლეები
შემოწმებულ საავტომობილო ბენზინში ტყვიის შემცველობა ნორმებს არ აღემატება
დეპარტამენტის უფლებამოსილი თანამშრომლების მიერ, როგორც თბილისში, ასევე რეგიონებში არსებული, შერჩევითი წესით განსაზღვრული 136
ბენზინგასამართი სადგურიდან, აღებული იქნა 240 ერთეული სხვადასხვა მარკის საავტომობილო ბენზინის სინჯი, მათში ტყვიის შემცველობის განსაზღვრის მიზნით.
აღებული სინჯები საანალიზოდ გადაიგზავნა საერთაშორისო აკრედიტაციის მქონე შპს ,,სჯს ჯორჯია"-ს კუთვნილ ლაბორატორიაში. ჩატარებული კვლევის შედეგად დადგინდა, რომ თითოეულ საანალიზო ნიმუშში ტყვიის შემცველობა შეადგენს <0,0025 გ/ლ, რაც არ აღემატება "საავტომობილო ბენზინის ხარისხობრივი ნორმების შესახებ“ საქართველოს მთავრობის 2004 წლის 31 დეკემბრის N124 დადგენილებით განსაზღვრულ ნორმას, 2012 წლის 01 იანვრიდან ტყვიის შემცველობა - არაუმეტეს 0,005 გ/ლ.
