სიახლეები
თბილისში ნარჩენების მართვის კოდექსის დარღვევის 6 ფაქტი გამოვლინდა
გარემოსდაცვითი ზედამხედველობის დეპარტამენტის გარემოსდაცვითი პატრულირებისა და სწრაფი რეაგირების სამსახურის თანამშრომლებმა ნარჩენების მართვის კოდექსის დარღვევის 6 ფაქტი გამოავლინეს.
თბილისში, მუნიციპალური არასახიფათო ნარჩენების (ფოთლების, ბაღის/პარკის ნარჩენების, საყოფაცხოვრებო ნარჩენების) ღია წესით წვის და მუნიციპალური არასახიფათო ნარჩენების (მათ შორის, საბურავის, რეზინისა და სხვა ელასტომერული მასალის) ღია წესით წვის 3-3 ფაქტი გამოვლინდა.
შედგა 3 ერთეული საჯარიმო ქვითარი ნარჩენების მართვის კოდექსის 35-ე მუხლის პირველი ნაწილით, ჯარიმის თანხა - 500 ლარი; ხოლო 3 ერთეული საჯარიმო ქვითარი - ამავე კოდექსის 35-ე მუხლის მეორე ნაწილით, რაც ითვალისწინებს საჯარიმო სანქციას 1500 ლარის ოდენობით.
