სიახლეები
აჭარასა და გურიაში სასარგებლო წიაღისეულის უკანონო მოპოვების 8 ფაქტი გამოავლინეს
გარემოსდაცვითი ზედამხედველობის დეპარტამენტის აჭარისა და გურიის რეგიონული სამმართველოს თანამშრომლებმა აჭარასა და გურიაში სასარგებლო წიაღისეულის უკანონო მოპოვების 8 ფაქტი გამოავლინეს.
სამართალდარღვევები გამოვლენილია ხელვაჩაურისა და ოზურგეთის მუნიციპალიტეტებში, ასევე ქალაქ ბათუმში.
მოქალაქეები, სასარგებლო წიაღისეულის (ქვიშა-ხრეში) უკანონო მოპოვებას სპეციალური ტექნიკის (ესკავატორი) საშუალებით ახორციელებდნენ.
სამართალდამრღვევების მიერ, ჯამში, უკანონოდ მოპოვებულია 20 კუბურ მეტრამდე ქვიშა-ხრეში.
სამართალდამრღვევების მიმართ შედგა ადმინისტრაციული სამართალდარღვევის შესახებ ოქმები.
